بۆ هاوڕێیەکی دوور وڵات
از کتاب:
پاشمەرگەی قانع
اثر:
قانع (1898-1965)
1 دقیقه
507 مشاهده
کاکە سەلامم لە هاو دڵدارم
لە مام و کەس و گەورە و سەردارم
لە دوای سلسلەی دۆعا و سەلامم
هاودڵ گوێگرە ها لە کەلامم
اَلْحَمْدُ لِلّهعربی ئاڵا هەڵکرا
ماوەی دەردی دڵ ئەمڕۆکە درا
سوئال گەر ئەکەی لە مڵک و ماڵم
لەسەر مەرامە حاڵ و ئەحواڵم
لاوی دڵگەرمم سادەی وەرە لام
سەرکەوە کەم کەم ڕوو لە ڕووی مەرام
ڕوو کەرە ڕاسی داسی ئاڵای سوور
درەو کە عەدووی لار و هار لە دوور
ئەگەر لە مامی لارم سام ئەکەی
هەڵسە هەڕاکە لە مەرام ئەگەی
ئەم هەر عەدوی ڕۆح گروی ئیسلامە
هەر لە درۆدا سەرداری عامە
کاکە ئەم ئاڵا مەرهەمی دەردە
مەرهەمی لاوی دڵ سڕ و سەردە
هەرکەس لەهەر لا وڕوو سەرسامە
ڕاکا ئەم ئاڵا کۆگای مەرامە