با

نیوەشەوێکی سارد و غەمناکە..
پاییز میوانە لە ژوورەکەما
هەناسەی ساردم ئەبێتە ئەشک و
دێتە خوارەوە بە باڵای ڕەشی پەنجەرەکەماهاوار و هاژەی چەمی ناڵینێک..
ئەڕژێتە گۆمی مەنگی دڵەوە
ئارام و ئۆقرە لە گیانم ئەبڕێ..
وەک گەڵای پاییز بەدەم چڵەوەهاوار و هاژەی چەمی ناڵینێک..
دێتە گوێم ئەڵێی ئاوازی تارە
نازانم کێیە بەم نیوەشەوە تار ئەژەنێت و
کەشتی ئارامی کۆیلەی شەپۆلی دەریای ئازارە؟هاوار و هاژەی چەمی ناڵینێک..
بە من نامۆیە..
ئەمکا بە شێت و.. وێڵ و ئاوارەی..
ناو دارستانی چڕی دوودڵی
سەرسام دەبم و
کە پەنجەرەکە ئەخەمە سەر پشت..
گڤڤڤڤڤڤڤڤ.. گڤەی «با» دێ و گوێم پێ شل دەکا
بۆ ئاهی سینەی پڕ کەف و کوڵیهاوار و هاژەی چەمی ناڵینێک..
لەلام ئەبێتە وژەوژی «با»
ئەوسا دڵنیام ئەوەی ئەیبیستم گڤەی «با»یە «با»پێی ئەڵێم.. وەرە من تۆم خۆش ئەوێ
بیرتە هاوینی پار ئێوارەیەک بە چڵەدارێ..
کە لەسەر خۆڵی ڕێگەکە نووسیم..
گەر نازدار بمرێ کۆستم ئەکەوێ
کە تۆش هاتیت و زوو سڕیتەوە
ئای کە مناڵ بووم!..
وامزانی ئەچی لەسەر پەنجەرەی..
ژوورەکەی نازدار ئەینووسیتەوە!