ئامۆژگاری باوک بۆ کوڕ
«لە فارسییەوە وەرگیراوە»
لە کتێبی:
بەرهەمی خاوێن
بەرهەمی:
عەلی عارف ئاغا (1910-1996)
1 خولەک
581 بینین
باوک:
ڕۆڵە ئاگاداری خۆت بە نەچییە بەزمی بادەوە
نەبیە داوی یاری خۆش و شەنگ و ڕوومەت سادەوە
بێخەبەر ماوی لە حاڵی ماڵ و منداڵ و خێزان
توش نەبووی هێشتا بەدەس دەرد و غەمی ئەولادەوە
مەسرەفی ماڵت نەکێشاوە و جلت نەدڕاوە قەت
دانەنیشتووی قەت بە کەمدەستی و دڵی ناشادەوە
کوڕ:
ئەی بەڕێز باوکی عەزیزم چاکە پەندی تۆ بەڵام
گەنجی عەسرم چۆن ئەرێ خۆم پیر بکەم بەم یادەوە
چۆن لە ئێستاوە وەکوو ژن دەستە و ئەژنۆ دانیشم
چۆن دڵم ڕاگیر ئەبێ گەر نەچمە بەزمی بادەوە