وەرە ئەی سەروو عەڕعەڕ عەبدی باڵا و بەژنی مەوزوونت
لە کتێبی:
دیوانی کەمالی
بەرهەمی:
کەمالی (1886-1974)
1 خولەک
410 بینین
وەرە ئەی سەرو و عەڕعەڕ عەبدی باڵا و بەژنی مەوزوونت
شەپۆلی بۆنی گوڵ شێواوی شێوەی هاتن و چوونت
وەرە ئەی عەنبەری سارا غوڵامی دانەیی خاڵت
وەرە لەعلی یەمەن دڵ پڕ لە خوێنی لێوی مەیگوونت
بە بارێ عیلمی حەفتا ساڵەوە دابووم بە شاگردت..
بژی ئەی سامیری سەر سامی دیدەی پڕ لە ئەفسوونت
وەفات دەرحەق بەمن بەینێ بوو ئێستاکە جەفاکاری
چ ڕوویداوە لە بەندەی عاشقی شەیدایی مەجنوونت
لە داوی پەرچەمی یارا ئەسیری چەشنی دیلی ڕووس
هەتا مەحشەر کەمالیناسناوی ئەدەبی زەحمەتە لەم داوە بەربوونت