مورادم حاڵی خۆمە گەر حەدیسی شۆری بولبول کەم
لە کتێبی:
دیوانی سالم
بەرهەمی:
سالم (1800-1866)
1 خولەک
755 بینین
مورادم حاڵی خۆمە گەر حەدیسی شۆری بولبول کەم
ئیشارەی ڕوویی تۆیە گەر بەیانی نازکیی گوڵ کەم
بە میقرازی ئەجەل کۆتا بێ میسلی پەرچەمت عومرم
لەسەر تەعریفی مووی زوڵفت ئەگەر بێم وەسفی کاکوڵ کەم
ئەبەد ئاشوفتەخاتر بم لە هیجرانا هەتا دەمرم
ئەگەر بێ زوڵفی موشکینت لە باغا مەیلی سونبول کەم
بنێرێ یاری شیرینم ئەگەر بۆ جانی شیرینم
دەرەک بێ جێم لە دۆزەخدا ئەگەر ئانێ تەئەممول کەم
مەلالی ئارەزوو سالمناسناوی ئەدەبی بەقەد دووری لە دڵمایە
لە وەسڵا بۆ تەماشای ڕوویی دڵبەر گەر تەغافول کەم