هاتە ڕووی دڵ لە غەمزە بەسکی خەدەنگ
لە کتێبی:
دیوانی سالم
بەرهەمی:
سالم (1800-1866)
1 خولەک
1305 بینین
هاتە ڕووی دڵ لە غەمزە بەسکی خەدەنگ
خانەیی خارپوشتە، سینەیی تەنگ
جێی دڵم زوڵفی تۆیە تا دەمرم
کەی نەجاتی دەبێ ئەسیری فەرەنگ
ڕەغبەتت واجیب و حەزەر لازم
لە لەبت شەککەر و لە دیدە شەرەنگ
تۆ حەیاتی منت بە دیدە بڕی
تۆ بە ئاهوو دەکەی شکاری پەڵەنگ
بەمەسەل بەحرە عیشق و دڵ زەورەق
ئامەدوشودیە دڵ بەمیسلی نەهەنگ
بێ سەرە کاروان و شەو تاریک
ڕێ خەتەرناک و دوور و مەرکەب لەنگ