وەک دوڕڕ و عەقیق نەقشە دەندان و لەبی ئاڵت
لە کتێبی:
دیوانی سالم
بەرهەمی:
سالم (1800-1866)
1 خولەک
651 بینین
وەک دوڕڕ و عەقیق نەقشە دەندان و لەبی ئاڵت
میسلی بەڕەزا پەخشە ئەگریجە لەسەر خاڵت
نارنجی زولەیخایە گۆی چاهی زەنەخدانت
تەوقی ملی شیرینە پاوانە و خڕخاڵت
پەنجەت لە حەنا مەگرە سوورێکی تەڵخڕەنگە
خوێنی دڵی من ئاڵە بۆ پەنجەیی شمشاڵت
بەخبەخ لە قەدی سەروت، چەند دڵبەر و مەوزوونە
سەیری کە چ شیرینە فێس و گوڵی دەسماڵت
گەر بێت و نیقاب لادەی في الجملهعەرەبی دەبن دەردەم
مەحزوونی سیەهـ چەشمان مەجزووبی دیدەی کاڵت
بێ ڕەحم و جەفاکاری بۆ کۆهکەنی غەمگین
شیرینی زەمان ئامان! ڕەحمێ بە پەشێو حاڵت