دڵی پڕ وەحشەتم جانا لەبەر موژگانی وەک تیرت
لە کتێبی:
دیوانی سالم
بەرهەمی:
سالم (1800-1866)
1 خولەک
898 بینین
دڵی پڕ وەحشەتم جانا لەبەر موژگانی وەک تیرت
حەساری بوو لە حەڵقەی دەرهەمی گێسوویی زەنجیرت
لە سەعیی هاتوچۆدای، ئەی خەیاڵی غەمزە دەیزانم
نیهانی بۆ شەبیخوونی دڵە دووبارە تەدبیرت
میانت بەستووە، تورکانە، بۆ قەتڵم لە مەستیدا
تەحەممول کە زەمانێ با ببۆسم دەست و شەمشیرت
ویداعی جان و دڵ ناکەم وەلاکین غائیلەم زۆرە
لە وەختی زەربی شەمشێرا ببینم حاڵی تەئخیرت
موفەڕڕەح بێ دەماغم با لە نەفحەی توڕڕەیی جانان
وەرە ئەی بادی شەبگیری سەرم قوربانی تەئسیرت
بە تیرت جەرگم ئەر لەت کەی ئەبەد تەرکی نەزەر ناکەم
لە مەرگا بۆ تەماشا بازە دایم چاوی نەخچیرت
دەزانم فیعلی پەنهانت ئەگەر چی موئمینی زاهیر
فەریبی من مەدە زاهید بە تەسبیحات و تەزویرت
بەتەنگ هات ئەی شەوی زوڵمەت دڵی سالمناسناوی ئەدەبی لەدەس توولت
چ بوو نەتشوشت بە ئابی سوبحدەم ڕوخساری وەک قیرت؟