دەستوبردی دڵبەری، ئێستە لە غەمزە و ڕووتە ڕاست
لە کتێبی:
دیوانی سالم
بەرهەمی:
سالم (1800-1866)
1 خولەک
743 بینین
دەستوبردی دڵبەری، ئێستە لە غەمزە و ڕووتە ڕاست
مەنسەبی شەمشیرداری، بۆ کەچیی ئەبرووتە ڕاست
موویی موشکئەفشانی تۆیە باعیسی ئەحواڵی من
زەخمی ناسۆری دڵی مەحزوون لە بۆی گێسووتە ڕاست
دەورەیی «ماء الحياةعەرەبی» ی لەب لە زوڵفی زوڵمەتە
پاسەبانی ئاوی حەیوان خاڵەکەی هیندووتە ڕاست
قووەتی بازوو بەکار نایێ لە وادیی عیشقتا
شێرگیری ناوەک ئەفگەن دیدەیی ئاهووتە ڕاست
ئەژدەهای زوڵفت لە کوێری کەوتە سەر تیغی برۆ
خاڵی تۆ بۆ دیدەیی حەی دانەیی زمڕووتە ڕاست
عیشقی تۆ بۆ جانی عاشق وەک تەلیسمی بابلە
بۆ گرفتی دڵ، زەنەخدانت چەهی هارووتە ڕاست
سالمناسناوی ئەدەبیی دێوانە هوشیارە لە بەحسی مەدحی تۆ
نوکتە نوکتە، یەک بە یەک، وەسفی هەمووی مەربووتە ڕاست