دلبەرێ ئیرۆ سەحەر
لە کتێبی:
دیوانی مەلای جزیری
بەرهەمی:
مەلای جزیری (1570-1640)
2 خولەک
828 بینین
دلبەرێ ئیرۆ سەحەر، ئاڤێتە جەرگێ من دو دۆخ
یەک ل سینە یەک ل دل دا، لەو ژ من تێن ئاخ و ئۆخ
ئاهـ و ئۆخێن من ژ دل تێن، لێ ژ بەر تیرا قزل تێن
یان ژ کۆڤانێن د کول تێن، ژێ دزێت هەر خوون و زۆخ
خوون ژ دل جۆجۆ ڕەوان تێ، وەک عەقیق و ئەرغەوان تێ
لێ ژ دەست سەلوا جوان تێ، ئەو شەپالا شەنگ و شۆخ
ئەو شەپالا شۆخ و شەنگە، کافرا ڕۆم و فەڕەنگەنوسخەکانی تر: ڕۆمێ فرەنگە
دامە بەر جوهتەک خەدەنگە، زالمێ کوشتم ب دۆخ
زالمێ کوشتم شەپالێ، نازکێ قەنجێ دەلالێ
بوون حجابا زولف و خالێ، ئێدەک و عالانوسخەکانی تر: بەرقەع و ئالا، بەیرەق و ئالا و تۆخ
نەترکنوسخەکانی تر: بیرک و تایێن ب ڕیشی، ئێ د زێڕن پێڤە ویشی
من دو فێرس دین د بیشینوسخەکانی تر: پێشی، مروەت و ئنساف یۆخ!
لەو هەڕفتم ئەز ژ مەیلێ، شوبهەتی سەهل و سوهەیلێنوسخەکانی تر: سەهلێ ژ سەیلێ، سەهلی و سوهەیلێ، سەهلا د سەیلێ
موحبەت و عشقا د لەیلێ، ئەز کرم یەکسەر پلۆخ
دەست نەهێلم ئەز ژ دینێ، شوبهی فەرهاد و شرینێ
وەرنوسخەکانی تر: دێ ژ بەر عشق و ئەڤینێ، من د ڕێ چت ئەڤ کلۆخنوسخەکانی تر: دا جان فرۆخ
سوحبەتا چەرخ و سەما تێ، وەک مەلێناسناوی ئەدەبی سەد موبتەلا تێ
زەمزەم و ئاڤا حەیاتێ، موشتەری سەد شەیخ و شۆخ