یادی تۆیە، سەنەما! یەک بە یەک ئەندیشەیی من
لە کتێبی:
دیوانی سالم
بەرهەمی:
سالم (1800-1866)
1 خولەک
596 بینین
یادی تۆیە، سەنەما! یەک بە یەک ئەندیشەیی من:
شوغڵی من، شێوەیی من، فیکرەتی من، پیشەیی من
نەخلی هەستیم بە جەفا سەبزە لە باغی دونیا
شاخی من، غوسسەیی من، میحنەتی من، ڕیشەیی من
بۆ قوبووڵ کەم بە ئەبەد نازشی ساقیی بەچەڕوو؟!
ئەشکی من، بادەیی من، دیدەیی من، شیشەیی من!
ڕووبەڕووی هەیبەتی عیشقت لە هونەردا ئەسەدم
خوێنی من، توعمەیی من، کولبەیی من، بیشەیی من!
حەرەکاتم وەکوو فەرهادە، لەڕێی میحنەتی عیشق
کۆهی من، سینەیی من، ناخونی من، تیشەیی من
جەرگ و دڵ پوختە کە «سالمناسناوی ئەدەبی» بە زیافەت بۆ دۆست
دیگی من، سینەیی من، هیممەتی من، پیشەیی من!