شۆخی دڵ ئازاری یاری سەرسەری
از کتاب:
دیوانی کوردی
اثر:
کردی (1809-1850)
1 دقیقه
1616 مشاهده
شۆخی دڵ ئازاری یاری سەرسەری!
کافرەی تورکەی لە مەزهەب بێ بەری!
بۆچ لەلای تۆ قەتڵی عاشق واجبە؟
قەسدە سەر لێم دا بە دەست و خەنجەری
ڕۆح و تەن تەسلیمی شمشێرت دەکەم
گەر بزانم تۆی بە قەتڵم مشتەری
نیم نیگای چاوت دڵ و دینی ڕفاند
چاوەکەم! مەعلوومە تۆ تاڵانگەری
بەم سوپای کاکۆڵ و تابووری موژەت
فەوجی سەربازە لە پشتی لەشکری
ئەتۆی بەهرامی شێرئەفگەن کەوا
لائیقی تاج و نگین و ئەفسەری
شۆخ و مەحبووب و لەتیف و نازکی
چاو غەزاڵ و نەونەمام و نەوبەری
گەوهەرت کوردیتخلص وەکوو خەرموهرەیە
چونکە خۆت بەدتاڵعی، بەد ئەختەری