وژینبوکس > کردی > دیوانی کوردی > ە > ئاغە گیان! تۆ خۆت دەچی بۆ شار و من لەم غوربەتە

ئاغە گیان! تۆ خۆت دەچی بۆ شار و من لەم غوربەتە

از کتاب:
دیوانی کوردی
اثر:
کردی (1809-1850)
 1 دقیقه  757 مشاهده
زبان:
کردی مرکزی
قالب:
غزل
وزن:
فاعلاتن فاعلاتن فاعلاتن فاعلن–∪––/–∪––/–∪––/–∪–
رمل مثمن محذوف
گزارش اشتباه
فونت:
ئاغە گیان! تۆ خۆت دەچی بۆ شار و من لەم غوربەتە
زەحمەتە یاران بمێنم من لە پاش ئەم فیرقەتە
هەر کەسێ شەهدی ویسال و ژەهری دووری چەژتبێ
ئەو دەزانێ دەردی دووری چەند گران و زەحمەتە
دێ بە تاو ئەشکی دوو چاوم هەروەکوو دەجلە و فوڕات
مەزرەعەی خەم سەوز و تێراوە لەبەر ئەم دوو شەتە
تا ئەسیری داوی تۆم ڕەحمێ بە حاڵم کە تۆ خوا
مودەیێکی تر لە دەستت ڕادەبوورم، دەرفەتە
دڵ ئەمانەت بوو لە لات ئێستا کە وا حاشا دەکەی
ئەی موسوڵمانینە! وەرنە سەیری ئەم بێ مروەتە
جەننەتە جێم چونکە ئەم شۆخە بە ناحەق کوژتمی
هێند شەریف و پاکە حەتتا کوژتنیشی ڕەحمەتە
ڕوو لە قیبلەی مستەفا ناکەم دەڵێ کوردیتخلص
هەتا تاقی میحرابی برۆی دەرخا لە عالەم ئەم بوتە