شوێنی دڵم هێناوە قوربان تاکوو دەرکی تۆ
از کتاب:
دیوانی کوردی
اثر:
کردی (1809-1850)
1 دقیقه
470 مشاهده
شوێنی دڵم هێناوە قوربان تاکوو دەرکی تۆ
یا شوێنی دەرکە، یا بدە دڵ، یا قەسەم بخۆ
تۆ دەس بە تیغ و پەنجە بە خوێن سوور و دڵ قەتیل
لەونیش سبووتی دەعوییە سا ڕاست بێ یا درۆ
چاوت لە عەینی مەرحەمەتا قاتڵی دڵە
وەک لوتفی بەچەیی قاتڵە بۆ مورغی دەستەمۆ
ئەمشەو خەیاڵی زولفی سیات هاتە خاترم
بێچارە مارگەزیدە بوو دڵی زامی هاتە سۆ
بۆی خاکی ژێری پای سەگی دەرگای ڕەقیب دەکەم
چون ڕێ لەجاجب ....متن نامشخص دەرکی تۆ دەبوو
ئەی عەقڵ ئەگەر بە تەجروبە بۆ ڕێی عیشق دەچی
مَن جَرَّبَ اْلمُجَرّبعربیت ئەر بیستووە مەچۆ
عەقڵیش دەڵێ وەکوو دڵ دەچمە کۆیی یار
»کوردی» فیراق بەلایەوە ئاسانە تۆش بڕۆ