بەنگلادیش

دووڕیانی چاومان لەناو:
دڵێکا یەکی گرتەوە
قوربانێکان ڕێبواری بوون.
لە شەوێکا یەکمان ناسی
تاریکیی قسەی ئەکوشتین
لە شەوێکا، ئەستێرەکان ڕفێنرابوون
یەکمان ناسی، لە کاتێکا
-مردن خۆی بەژین ئەناسی.
لەیەک ئەچن:
بەرگی ئازاری هەردووکمان.
بەقەد یەکن:
بەژنی خوێنمان.
وەکوو یەک وان، تەختی ئاڵی ناوچەوانمان.
دووانەیەکین:
بە یەک سکی برسی و تینوو لەدایک بووین.
لە شاییتا، شەهیدێکم هەڵئەپەڕم.
لە ساڕێژبوونی برینتا، من درەختێکی گریانم:
بەری – بزە - بۆ تۆ ئەگرم!