دەبێ کەی بێ لەگەڵ زیبا نگارێ
از کتاب:
دیوانی زاری
اثر:
زاری (1905-1982)
1 دقیقه
466 مشاهده
دەبێ کەی بێ لەگەڵ زیبا نگارێ
بە کەیفی خۆم بکەم بۆس و کەنارێ
لە باغی وەسڵدا هەر وەک عەنادڵ
بە خۆشی بوگزەرێنم ڕۆژگارێ
دەبێ کەی بێ دوو حوققەی سیمی عەییار
لە دەس بگرم بە بێ باکی لە یارێ
دەبێ کەی بێ بە بێپەردە لەگەڵ گوڵ
بکەم عەیشێ بەبێ غەم وەک هوزارێ
دەبێ کەی بێ وەکوو پەروانەی شەم
لە عەشقت خۆ بسووتێنم بەجارێ
دەبێ کەی بێ لە کونجێدا بە تەنها
بنیشم من لەگەڵ لالە عوزارێ
ئەلا «زاریتخلص» بە مەهجوورری بناڵە
کە نابینی وەکوو خۆت بێقەرارێ