وا مەزانن
از کتاب:
چەپکێ گوڵ و خونچە
اثر:
علی عارف آقا (1910-1996)
1 دقیقه
249 مشاهده
وا مەزانن پیرە شەیتان نووستووە
ڕۆڵەکانی پێش کاروان خستووە
خۆ فریشتەی چاکە نەیماوە نەشات
دەستی خۆی بۆ کاری چاکە بەستووە
ئێستە کاڵای باش چلۆن دەسگیر دەبێ
دەستی ناپاکی کە ڕیسی ڕستووە
ئێستە فەرزە ڕێزی بگرێت بێگومان
ئەو کەسەی جاران کە کەس نەیویستووە
ئەمڕۆ سەرکار و لە مەیدان غار ئەدا
جۆرە ئینسانێک کە تۆ هەر نەتبیستووە