ئەگەر زانیوتە
از کتاب:
چەپکێ گوڵ و خونچە
اثر:
علی عارف آقا (1910-1996)
1 دقیقه
266 مشاهده
ئەگەر زانیوتە باسی من
پەرێشانی و کەساسیی من
دەروونی گەرم و سووتاوم
دڵی پەست و هەراسی من
چلۆن لەم گیانە بێزارم
پەشۆکاوە حەواسی من
بە تاڵان چوو سەر و مال و
نقوود و ئەسکەناسی من
کە حاڵی بووی بە ڕووناکی
لە کاسەی مەغزی کاسی من
لە شێوەی شوومی شێواوم
لە بەرگی وەک پەڵاسی من
دڵی نەرمت ئەسووتێ زوو
بە ژینی بێئاساسی من
ئەپرسی دادی من ئەکرێ
لە دەرد و غەم خەلاسی من