چوار چوار
از کتاب:
گوڵاڵەی مەریوان
اثر:
قانع (1898-1965)
1 دقیقه
714 مشاهده
چوار شتن ئەمڕۆکە بوونە نەگبەتی کوردی هەژار
جەهل یەک، بێ عەقڵی دوو، دڵ پیسی سێ، داوا چوار
مەنعی پێشکەوتن ئەکەن لەم خاکمانە چوار گرۆ
خان یەک، سەردار دوو، بەگزادە سێ، ئاغا چوار
نایەڵن بۆ خۆم ڕەحەت بم سەربەخۆ تاوێ بژیم
ئەجنەبی یەک، مامە دوو، ئەقتاعی سێ، کوێخا چوار
من لە داخی سەر کزی ئەم میللەتە چوار دەردمە
سیل یەک، مالاڕی دوو، چاو کوێری سێ، ئێسقا چوار
یادگاری ڕەنجیپەنجەی کوردەکانە چوار ئەساس
قەسر یەک، ئاراس دوو، شامات سێ، بەغدا چوار
فەخرە بۆ من ئیفتخار و حورمەتی چوار تایەفە
زەند یەک، گەڵباخی دوو، شیروانی سێ، میدیا چوار
باز بووم باڵی شکانم چوار بەڵای نەحسی خراب
خانەقا یەک، تەکیە دوو، عەممامە سێ، عابا چوار
چوار سیفەت مەوجوودە بۆ من بۆیە هیچ کەس نایەوێم
قانعیتخلص یەک، شیعر دوو، ڕووخۆشی سێ، مەللا چوار