ئەرکی ژیان
از کتاب:
ئاشنایی و ڕۆشنایی
اثر:
علی عارف آقا (1910-1996)
1 دقیقه
262 مشاهده
هەرکەس خەریکی کاری خۆیەتی
بۆ ئەرکی ژیان هات و چۆیەتی
ئەوەی ڕۆحپاک و مرۆڤ و ژیرە
بەرزیی ئامانجی ژیان هۆیەتی
ئەوەی کە ئەمڕۆ بەدکاری ئەکا
سبەی ئەبینێ باوکەڕۆیەتی
ئەوەی ژیانی گیرۆدەی ژانە
کەم هێزی هەردەم لە ئەژنۆیەتی
ئەو دەس قوچاوەی پارە جەم ئەکا
هەمیشە ورتەی هەشت و نۆیەتی
ئەوەی کە مەردە و کرداری چاکە
شادی و ڕووناکی لە ئاسۆیەتی