داخ لە دەس جەوری زەمانە وەک فلیمی سینەما

از کتاب:
دیوانی لوتفی
اثر:
لطفی (1905-1989)
 1 دقیقه  430 مشاهده
داخ لە دەس جەوری زەمانە وەک فلیمی سینەما
جار بە جار خۆی لێم ئەگۆڕێ هەروەکوو شاپووری شا
ڕۆژێ ئەیکا بە وەزیر و ڕۆژێ گێژ و بێ نەوا
ڕۆژێ فاسۆنی لەبەر کرد ڕۆژێ ڕووت و بێ کەوا
ڕۆژێ بێ شەوق و زەلیلە دائەنیشێ دڵ بە غەم
ڕۆژێ شەوقی سەر و سیمای هەروەکوو نەجمی سەما
ڕۆژێ ڕوخساری ئەبینم سیس و بێ خواردن و خەوە
جارێکیش هەر ئەو کەساسە ڕووی وەکوو ڕۆژ شەوق ئەدا
جارێ ژەنگاوی وەکوو ئاسن لە ناوی زبڵ و خۆڵ
ڕۆژێ ئەیبینم بەشەوقە ڕوومەتی هەروەک چرا
دوێنێ خزمەتچی و نۆکەر بوو لە دەرگەی حاکمێ
ئیمڕۆ وا لە شانە بۆتە سەرکردەی سوپا
دوێنێکە کەناسی کۆڵان ئەمڕۆکە بۆتە ئەمیر
پێ لەسەر پێی دائەنیشێ ڕوو بەڕووی سەرهەنگ و شا
دوێنێ ڕووت و بێ کراس بوو پێم ئەوت مامە خلە
ئیمڕۆ پۆشتە و پارەدارە پێی ئەڵێی خدرە ئەغا
پارەکە پیاوی زەریف بوو چونکە پارەی زۆر هەبوو
لوتفیتخلص ئیمڕۆ بێ فلوسی لاچۆ لێرە توخوا