خاڵی بەینی چاو و ئەبرۆت ئینتیخابی کاتیبە
از کتاب:
دیوانی نالی
اثر:
نالی (1800-1877)
1 دقیقه
1620 مشاهده
خاڵی بەینی چاو و ئەبرۆت ئینتیخابی کاتیبە
یەعنی نوقتەی فەرقی ئیبنوموقلە ویبنوحاجیبە
عەیب و لەعبی خەڵقی کرد تا یاری خستە داوی خۆی
خەسمەکەی من کەلبی ئاهوو گیرە، خیرسی لاعیبە
لەشکری خەتتی شکستە و، تیپی زوڵفی تار و مار
پادشاهی حوسنی عالەم گیری هێشتا غالیبە
حازری ئەمر و خیتابە دڵ، ئەگەرچی مەنهییە!
ڕاجیعی تۆیە زەمیری من، ئەگەرچی غائیبە!
نالیتخلص ئێستە تاجی شاهی و تەختی خاقانی هەیە
شەوکەت ئارا، موحتەشەم دیوانە، فیکرەت سائیبە