خاڵی بەینی چاو و ئەبرۆت ئینتیخابی کاتیبە
لە کتێبی:
دیوانی نالی
بەرهەمی:
نالی (1800-1877)
1 خولەک
1633 بینین
خاڵی بەینی چاو و ئەبرۆت ئینتیخابی کاتیبە
یەعنی نوقتەی فەرقی ئیبنوموقلە ویبنوحاجیبە
عەیب و لەعبی خەڵقی کرد تا یاری خستە داوی خۆی
خەسمەکەی من کەلبی ئاهوو گیرە، خیرسی لاعیبە
لەشکری خەتتی شکستە و، تیپی زوڵفی تار و مار
پادشاهی حوسنی عالەم گیری هێشتا غالیبە
حازری ئەمر و خیتابە دڵ، ئەگەرچی مەنهییە!
ڕاجیعی تۆیە زەمیری من، ئەگەرچی غائیبە!
نالیناسناوی ئەدەبی ئێستە تاجی شاهی و تەختی خاقانی هەیە
شەوکەت ئارا، موحتەشەم دیوانە، فیکرەت سائیبە