ناچنە سەر دینی مولحید کورد موسڵمانن هەموو
از کتاب:
دیوانی شاهۆ
اثر:
شاهو (1882-1971)
1 دقیقه
371 مشاهده
ناچنە سەر دینی مولحید، کورد موسڵمانن هەموو
خاوەنی ئایینی پاک و دین و ئیمانن هەموو
گەر لە سەد نیوەی بکەونە شوێنی بیری لار و چەوت
خۆ ئەوانی کەی موتیعی حوکمی قورئانن هەموو
خۆ بە عەبدی خوا ئەزانن ئوممەتی فەخری ئەنام
موخلیسی پێغەمبەران و ئەنبیایانن هەموو
چاکترینی ئوممەتن ئەمڕۆ لەگەڵ ئیسلامی ڕاس
موئمینێکی ڕێک و ڕاستی زاتی یەزدانن هەموو
هەوڵ ئەدەن بۆ سەربەخۆیی بۆ ژیانێکی شەریف
بۆ سنووری موڵکی خۆیان پاسەوانانن هەموو
پیاو و ژن، گەورە و بچوک، بۆ تۆڵە سەندن حازرن
دەس بە تیر و خەنجەر و شمشێر و قەڵغانن هەموو
مستە خۆڵێکی وەتەن نادەن بە دوژمن بیشمرن
بۆ دیفاعی مافی خۆیان قۆچی قوربانن هەموو
تۆڵەسێنی خوێنی پاکی ئەو شەهیدانەن کە وا
ئێستەکەش زیندوون و گیانی پاکی کوردانن هەموو
کارەساتی وەحشیانەی دەرسماعلام و دیاربەکراعلام و واناعلام
نەقشی ناوجەرگ و دڵی سووتاو و بوریانن هەموو
کردەوەی پیسی گەماڵ وای کرد لە کورد، شاهۆتخلص کە وا
ئێستە تینووی هەڵ مژینی خوێنی توورانن هەموو