ئەسف داخی گرانم دوڵبەرم مەیلی جیایی کرد
کۆچی زینەت
از کتاب:
دیوانی شاهۆ
اثر:
شاهو (1882-1971)
1 دقیقه
605 مشاهده
ئەسف داخی گرانم دوڵبەرم مەیلی جیایی کرد
سەرم سوڕ ماوە بۆ چ ئەو شۆخە تەرکی ئاشنایی کرد
چرای ماڵم نەما موستقبەلم بێ نوور و تاریکە
بە ڕاستی گەردشی گەردوون لەگەڵ من بێ وەفایی کرد
هەسێرەی تالیعم ڕەش بوو، ژیانم تاڵییە ئەمجا
کە دوڵبەر کۆچی بۆ ئەولا لەسەر ئەمری خوایی کرد
سوئالم کرد لە دڵ تەئڕیخی فەوتی پێی گوتم زینەت
گوڵی حۆرێکی عەین بوو بۆ جنان کۆچی نەهانی کردحساب ابجد: = ١٣٦٦