بەزمی هامفەردان یاری مۆبەت کێش
از کتاب:
دیوانی مەولەوی
اثر:
مولوی (1806-1882)
1 دقیقه
1322 مشاهده
بەزمی هامفەردان یاری مۆبەت کێش
یەک ئیمشەو دەفێ دەروێش، های دەروێش
باوەر نەکۆڕەی وەلوەلەی دەفدا
ڕووی پەند و تەوبێخ وە هەر تەرەفدا
ڕووی پەند ئەو یاران دڵ وە جەهد و جەخت
ڕووی تەوبێخ، ئەو لای مەعدوومیتخلصی بەدبەخت
واچە هەی دڵەی ئەبلەی بێخەبەر
هورێز ساتێ تەرک خاوی شیرین کەر
«شەوەن، خەڵوەتەن، ماڵ بێئەغیارەن
ئاڵەم گرد وتەن، دۆس خەبەردارەن»
نەوا میهمان بۆ تۆ نەوینی کەس
خەفەت بۆ پەرێت تا ئاخر نەفەس
دیدەت تۆزی غەیر نیشتەنش وەنە
جە جۆی سەوزەی دڵ ئاوێش دەر پەنە
وەر تۆ بیناییت پەردەش ها نە سەر
ئەو تۆ موینۆ جە تۆ زەریفتەر
ئەمجار یاد کەر عومر عەبەس ویەردەت
باوەر وە خاتر ناپاکیی کەردەت
سەر ئەفگەندە بەر چوون شەرمەساران
چەمەی چەم هورکەر چوون سەیلی واران
بەڵ شۆرۆ بەو ئاو کەرەم فراوان
بابەت وە بابەت سیاهەی تاوان