bezmî hamferdan yarî mobet kêş
From the Book:
Dîwanî Mewlewî
By:
Mawlawi Tawagozi (1806-1882)
1 minutes
1792 views
bezmî hamferdan yarî mobet kêş
yek îmşew defê derwêş, hay derwêş
bawer nekořey welweley defda
řûy pend û tewbêx we her terefda
řûy pend ew yaran dił we cehd û cext
řûy tewbêx, ew lay me’dûmîPen namey bedbext
waçe hey diłey ebley bêxeber
hurêz satê terk xawî şîrîn ker
«şewen, xełweten, mał bê’eẍyaren
ałem gird witen, dos xeberdaren»
newa mîhman bo to newînî kes
xefet bo perêt ta axir nefes
dîdet tozî ẍeyr nîştenş wene
ce coy sewzey dił awêş der pene
wer to bînayît perdeş ha ne ser
ew to mwîno ce to zerîfter
emcar yad ker ’umir ’ebes wiyerdet
bawer we xatir napakîy kerdet
ser efgende ber çûn şermesaran
çemey çem hurker çûn seylî waran
beł şoro bew aw kerem firawan
babet we babet syahey tawan