berzan hîlal tar werwan qerar da
From the Book:
Dîwanî Mewlewî
By:
Mawlawi Tawagozi (1806-1882)
1 minutes
903 views
berzan hîlal tar werwan qerar da
ẍuřey şarî şor diłan dyar da
nesîm we boy çîn çinûrî řûy herd
sub sebaḧulxêr demaxî dił kerd
ce pirjey şewnim ne toy perdewe
nergis mesmes çem wiław kerdewe
sewze wisten ferş ew çemen des des
gułan cam we des bułbułan sermes
men’im mekerdê giranen derdim
er şêwya bo qafyey ferdim
feryad ce şorey erzî çarey min
her sewzey murad min na dyaren
dad ce heway şûm bed sitarey min
her new gułałey min ne pêwaren
ya welweley def şa derwêş, coşê
bew seday řîşey dił aşnawe
ya coşî semtûr mutrîb, xiroşê
çenî ey dû ferd ḧesret me’nawe
beł sewz bibo tom arezwekey dił
hay çeme dexîl şewê şewnimê
beł řû binmano ew nazk new guł
deme nesîmê wadey sub demê