bînayî dîdem to we siłamet
From the Book:
Dîwanî Mewlewî
By:
Mawlawi Tawagozi (1806-1882)
2 minutes
2778 views
bînayî dîdem to we siłamet
dîdenî dîdar kewt ew qyamet
er bînş nîyen, hey awatwazim
baz her teskînen goş we awazim
we diłda tefsîl zelîlî wiyerd
çêş ce ewełda axirş awerd
baz bêtaqetîm ne řûy perdewe
dergay guzergay çend ferd kerdewe
hurêza û pêç werd dûy kûrey derûn
aw awerd, beł hûn, ne dîdey gerdûn
řêza ce serda biłêsem kem bî
esbab teḧrîr ey çend ferd cem bî
baz çêş bo yaran derûn piř daxen
eẍyaran demax dił we perdaxen
serd bîyen germîy şewqî hamferdan
germen serdîy zewq cergey hamderdan
řêzan sewzey guł me’arîf we gił
çoł bîyen çemen ce sozey biłbił
nîgay îltîfat goşey çem kemen
řûy deştî sefay ehlî dił temen
ḧełqey xefyey zîkir nałey hezar řeng
çûn ḧełqey dergay wêranan diłteng
mişêw ce gird la zarî û şîwen bo
ce kam la? lay dos, kam dos? wêney to
key? êste, pey kê? pey dîdey me’dûmPen name
çêş bîyen? bîyen ce dîde meḧrûm
yanê hay řasen, ya qisey nasen
dyaren kirdey çepgerd her pasen