کاکی عارەب تۆ لەگەڵ من عەهد و پەیمانت هەیە
از کتاب:
دیوانی ئەوڕەحمان بەگی بابان
اثر:
عبدالرحمان بیگ بابان (1880-1967)
2 دقیقه
973 مشاهده
کاکی عارەب تۆ لەگەڵ من عەهد و پەیمانت هەیە
تۆ بە هەستی و هێزی من بڕوا و ئیمانت هەیە
وا بە دەستوور قەومی وەک من، دۆستی هاوشانت هەیە
بۆ لە کوردستانی من پارێز و پەنهانت هەیە
تۆ لە واتەی دوژمن و خەسمی وەتەن گوێت کەڕ بکە
هەر بە سیدقی کورد و کوردستانی من باوەڕ بکە
کاکی عارەب من وەکوو تۆ بنج و تار و پۆم هەیە
قەومی مێژوودارم و پیت و زمانی خۆم هەیە
چل عەسوورە بەم زمانە شیعر و گفت و گۆم هەیە
مافی تۆ چی بێ، منیش لەم خاکە مافی تۆم هەیە
تۆ جنووب و ناوەوە، من شاخ و ئەنهاری شیمال
بووە بە یەک ئەمجا عیراقاعلامی پێ گەیشتۆتە کەمال
من بە دوربینی فیکر زوو کەشفی ئاسۆم کردووە
بۆ عیراقاعلامی خۆشەویستم خزمەتی خۆم کرووە
هەر چی خوێناوم هەیە لەم ڕێیەدا ڕۆم کردووە
پێشەوا خۆی عالمە بەو خزمەتی بۆم کردووە
کاکی عارەب تۆ بزانە کورد برای هاوشیرتە
سەیری مێژووی خۆت بکە ڕووناکی بەخشی بیرتە
دوو براین لەم خاکەدا من نیشتمانی خۆم هەیە
نووسەر و نووسراوی خۆم، بیر و بەیانی خۆم هەیە
بۆ دەبوستان و دەبیرستان، زمانی خۆم هەیە
من عیراقاعلامیم و بەڵام تەرزی ژیانی خۆم هەیە
ئەم قەڵای گەورەی عیراقاعلامە وا لە سەر دوو پایەیە
کورد و عارەب هەر یەکە، یەک پایەیی پڕ مایەیە
کوردم و ڕاست و دروست قەت فێڵ و فیشاڵم نییە
وا گەییومە سیننی ڕوشد، ئیتر گڕ و گاڵم نییە
ئیستە ئازاد و حوڕم هەڵپەی پەڕ و باڵم نییە
غەیری مێژوو گۆڕی گەورە پرسەری حاڵم نییە
بۆ کەریمی کورد و عارەب بابەتخلص سەربازی ئەکەم
جانفیدای جمهوورم و قەوم و وەتەن ڕازی ئەکەم