هەرچی لە سەر تۆ گەڕا شاد بوو بە دەوڵەتی ڕووت
از کتاب:
دیوانی وەفایی
اثر:
وفایی (1844-1902)
1 دقیقه
1862 مشاهده
هەرچی لە سەر تۆ گەڕا شاد بوو بە دەوڵەتی ڕووت
زولفی شکستە بۆیێ دەستی لە دامەنت دا
سەد ڕۆح ئەگەر فیدا کەم ناگەم بە خەتت و خاڵت
من نائومێد و مەحرووم هیندوو لە گوڵشەنتدا
زولفت لە پێ کەوت و خەت هات بە تەمای قەتڵی دڵ
ئاخر بە دەستخەتی خۆت گرتت بە کوشتنت دا
ئەی نەوبەهاری خووبی ڕوحمێ بە حاڵی بولبول
نەوەک سەرمای هەناسەی لە گوڵ و یاسەمەنت دا
ئەی خەت بە زولفی دولبەر تۆ بوویە فیتنەیی دڵ
دڵ بێغەم و خەیاڵ بوو هاتی بە گرتنت دا
وا تێمەگە عەزیزم کوشتمت و نائومێد بووم
دەستم ئەگەر نەگەییێ خوێنم لە گەردەنت دا
بە قسەم بکە وەفاییتخلص بمرە هەتاکوو ماوی
وەسڵی بەقا بە ئایات ئەوا لە مردنت دا