قەددی یارم سەروی باغی جەننەت و ئازادەیە
از کتاب:
دیوانی سابیری
اثر:
صابری (1881-1944)
1 دقیقه
337 مشاهده
قەددی یارم سەروی باغی جەننەت و ئازادەیە
تەلعەتی مانەندی حووری زۆر لەتیف و سادەیە
چاوەکانی دائیمەن مەستی شەراب و بادەیە
بێ بەڵا بێ یاخودا بۆ کوشتنم ئامادەیە
هەرچی تێفکری پەرێشان و نەخۆش و زامدار
داد و هاواری لە زوڵم و جەوری ئەو جەللادەیە
سەدهەزار ئەسفەندیار و ڕۆستەمی مازەندەران
هاتە مەیدان و سەری بێ لەش کرا لەم جادەیە
هەرکەسێ دەرسی لە کن ئوستادی چاوی وەرگرێ
کەمترین توللابی ئەو ئوستادە ئاخر مادەیە
بوولعەجەب ئەفسوونگەر و چابوکسەوار و سەفشکێن
خەڵکی حەیرانن لە مەکر و نازی ئەو شازادەیە
سابیریتخلص ئەڵبەتتە لای ئەو چاوە دەرسی خوێندووە
بۆیە وا سەربەستە لەم بەرقاپییە بەم ڕادەیە