قەددی یارم سەروی باغی جەننەت و ئازادەیە
لە کتێبی:
دیوانی سابیری
بەرهەمی:
سابیری (1881-1944)
1 خولەک
336 بینین
قەددی یارم سەروی باغی جەننەت و ئازادەیە
تەلعەتی مانەندی حووری زۆر لەتیف و سادەیە
چاوەکانی دائیمەن مەستی شەراب و بادەیە
بێ بەڵا بێ یاخودا بۆ کوشتنم ئامادەیە
هەرچی تێفکری پەرێشان و نەخۆش و زامدار
داد و هاواری لە زوڵم و جەوری ئەو جەللادەیە
سەدهەزار ئەسفەندیار و ڕۆستەمی مازەندەران
هاتە مەیدان و سەری بێ لەش کرا لەم جادەیە
هەرکەسێ دەرسی لە کن ئوستادی چاوی وەرگرێ
کەمترین توللابی ئەو ئوستادە ئاخر مادەیە
بوولعەجەب ئەفسوونگەر و چابوکسەوار و سەفشکێن
خەڵکی حەیرانن لە مەکر و نازی ئەو شازادەیە
سابیریناسناوی ئەدەبی ئەڵبەتتە لای ئەو چاوە دەرسی خوێندووە
بۆیە وا سەربەستە لەم بەرقاپییە بەم ڕادەیە