وژینبوکس > صابری > دیوانی سابیری > ل > عاشقان دڵیان بە دائیم پڕ خەیاڵ و پڕ مەلال

عاشقان دڵیان بە دائیم پڕ خەیاڵ و پڕ مەلال

از کتاب:
دیوانی سابیری
اثر:
صابری (1881-1944)
 1 دقیقه  755 مشاهده
زبان:
کردی مرکزی
قالب:
غزل
وزن:
فاعلاتن فاعلاتن فاعلاتن فاعلن–∪––/–∪––/–∪––/–∪–
رمل مثمن محذوف
گزارش اشتباه
فونت:
عاشقان دڵیان بە دائیم پڕ خەیاڵ و پڕ مەلال
بۆیە ڕۆژ و شەو دەکەن بەحسی جەماڵ و زولف و خاڵ
عاشق و عاقڵ ئەگەرچی ڕەنگ و سوورەتیان یەکە
هەریەکی تامێکی تێدایە تورنج و پوڕتەقاڵ
عاشقان ناڵان و بێ سەبر و قەرار و گفتوگۆ
عاقڵان دڵشاد و خوڕڕەم، نوکتەدان و خۆش مەقاڵ
عاشقان مەجنوونی دووری لەیل و بیمار و زەعیف
عاقڵان ساغ و سەلیم و شاد و مەستی خەت و خاڵ
عاشقان پەروانەئاسا سەرف ئەکەن جان و وجوود
عاقڵان سابیرتخلص گەلێ کۆشش ئەکەن بۆ جەمعی ماڵ