جانا وەرە دەستێ بخە سەر قەلبی حەزینم

از کتاب:
دیوانی سابیری
اثر:
صابری (1881-1944)
 1 دقیقه  375 مشاهده
جانا وەرە دەستێ بخە سەر قەلبی حەزینم
دوا گیانمە تاڵووکەمە کۆتا کە گرینم
بنواڕییە ئاوێنە دەزانی چییە دەردم
ئیحسانە کە چا کەیتەوە ئازار و برینم
هەرچەندە کە بێ ڕەنگ و لەڕ و زەرد و نەخۆشم
هەر لەحزە بە یادت قەڵەو و سوور و سەمینم
عومرێکە گلاراومە ئەی یاری شیرینم
ڕەحمێکی خودا بێنە دڵ و بێرە سەرینم
بنواڕییە ڕەنگم کە عەلاماتی دیارە
وەجهی چییە شەو تا بە سەحەر شین و گرینم
نایدەم بە هەموو نیعمەتی فیردەوسی سەعاتێ
ئەو ڕۆژە کە تۆی یاری وەفادار و قەرینم
فەرهاد سیفەت و دائم الاوقاتعربی لە کێوم
ئینساف و وەفا عەیبە لە لای یاری شیرینم
سابیرتخلص لە فیراق و ئەسەفی خێوەتی لەیلا
ئاشوفتە و مەجنوون سیفەت و ئەلبیسە شینم