وڵات و شار و دێهاتی دڵ ئەمساڵ
از کتاب:
دیوانی سابیری
اثر:
صابری (1881-1944)
1 دقیقه
466 مشاهده
وڵات و شار و دێهاتی دڵ ئەمساڵ
پەڵەی داوە بە بێ مانەند و ئەمسال
بە پاچ و بێڵی تەقوا و ڕیازەت
موبەڕڕا بوو لە دڕک و داڵی ئەوباڵ
موهەڕڕایە بە جووتی زوهد و تەقوا
بە سی گاسن نرایە باغی شمشاڵ
مەلائیک سەف بە سەف بۆ باغەوانی
کە ئاموشۆ ئەکەن پەیوەستە خۆشحاڵ
مەجالی تەنگ و باری سەنگ و بێ ڕەنگ
شەیاتین هەر هەموو ماندووە بێ حاڵ
خەیاڵی خام ئەکەی کورتەک ئەکەی نەقد
خەیاڵی خام مەکە ئەی شێخی بەرماڵ
لە بۆتەی نار و ئازاری جەهەننەم
بترسە خەڵقی تێدا بۆتە زووخاڵ
بە پاچی زیکر و خاری ماسوىٰ اللهعربی
وشک برژاو و سووتا شوبهی زوخال
مەلائیک هاتووە دەیکاتە زەرعات
کە بیبینێ دەبێ حەیران و خۆشحاڵ
مەتاعی چاکە مەقبووڵ و بەقیمەت
کە لائیق پادشا بێ ئەی کەسی خاڵ
لە بۆتەی یار سابیر پڕ حەزەر بە
بە ملیۆن خەڵکی تێدا بۆتە زووخاڵ