ئەزقەزا تەیری دڵم وا کەوتە نێو دامی فیراق
از کتاب:
دیوانی سابیری
اثر:
صابری (1881-1944)
1 دقیقه
1210 مشاهده
ئەزقەزا تەیری دڵم وا کەوتە نێو دامی فیراق
ئاسکی ڕۆحم کەوتەوە نێو دەستی زەرغامی فیراق
ئەی دەریغا بۆ حەکیمی ئاشنا و مێهرەبان
یەک بە یەک عەرزی بکەم ئازار و ئالامی فیراق
جۆگەلەی خوێناوی چاوم ئەرزی ڕەنگین کردووە
تۆ بفەرموو مەرهەمێ دانێ لەسەر زامی فیراق
حاڵی دەردم، ناڵەناڵم ئەو کەسانە تێدەگەن
زەهری هیجریان چێشتبێ یا زامی سەرسامی فیراق
تابەکەی بەدری جەماڵت دادەپۆشی؟ بەسیەتی!
جەوری بێ پایان و هیجری میحنەتی شامی فیراق
شەونخوونی خۆشە بەو ئوممێدە سوبحی تەلعەتی
دەرکەوێ هەرچەندە نامەعلوومە ئەییامی فیراق
سابیریتخلص کۆتا کە شەوناڵین، چونکە وەسفی یار
ئینتیهایی نایە بێ پایانە ئەنجامی فیراق