هەڵستاون جەوانانی وەتەن دیسان بە بێ باکی
بە موناسەبەتی زیندووبوونەوەی هیوا
از کتاب:
بەرهەمەکانی مستەفا شەوقی
اثر:
مصطفی شوقی (1865-1932)
2 دقیقه
956 مشاهده
هەڵستاون جەوانانی وەتەن دیسان بە بێ باکی
لە حەسرەت دەردی کۆنە مڵکی بابیان، هاتنە چالاکی
دە دڵ عەزم و لە سەر شۆری جەوانی هاتوو دەخوازن
کە بڕژێنن لەسەر خاکی وەتەن خوێنییان بە سەر پاکی
بڵا تێرئاو ببێ بەو خوێنە سوورە گوڵ لە مێرگۆڵان
بە شوعلەی نووری ئوممێدیان وەتەن با بێتە ڕووناکی
وەتەن ئەی موڵکی باپیرم! لە بۆچ ئەوڕۆکە ڕووخاوی؟
لە بۆچ جێ و مەسکەنی وەحش و تیوورە خاکەکەی پاکی؟
لە بۆچ عەولادی تۆ یەعنی برازا و مام و جیرانم
بەڵێ باپیرە گەورە و خوشک، پوور و باوکە خۆ داکی
لە ژێر کابووسی جەهل و کۆت بە یەخسیری دەناڵێنن
سەراپا پۆشەکی ڕەش، جلکی ماتەم بۆچ دەبەر ناکی؟
لە غوربەت لاوی کوردان بۆ نیگای وەسڵی تۆ مەحزوونن
شەو و ڕۆژ ناسرەوێن بۆ شەهدی شیرین، ژەهری تریاکی
لەسەر شاخی بڵیند و مێرگی شینی تۆ بڵا ڕابن
بە شۆری دڵ بخوێنن بولبولان ئەوڕۆ بە غەمناکی
وڵات و شاری مە خۆشە بڵا حەیفە کە وێرانە
لە بۆ چاوی بە فرمێسکی جەوانان سورمەیە خاکی
زمانی کوردی شیرینە و هەواری ئێمە ڕەنگینە
بڵا چونکە هەموومان دوشمنین زۆر سەعبە ئیدراکی
نیفاقی مە گوناهێکی عەزیمە، جا وەباڵی وی
بە گەردنی شێخ و ئاغا و مەلا و دەست و میسواکی
لەنێو دەستەی جەواناندا لە پێشدا شەوقیتخلص وێستاوە
بە نووری حوببی مەوتین دڵفرووزە هاتە ڕووناکی
لە ڕێگای دەوری هیوااعلام یەعنی ئوممێد دەست بە دەست دەگرن
بە عیلم و مەعریفەت تێرئاو بکەن جا خاکەکەی پاکی