ئیلا یا ماڵک لامەکان یا نە

لامەکان یا نە
از کتاب:
شیعرەکانی تورکەمیر
اثر:
ترک امیر (1750-1820)
 4 دقیقه  1022 مشاهده
ئیلا یا ماڵک لامەکان یانە
#
یا یانە نایاب یەکتای یەگانە گیانبەخش و گیانسەن ژەو غەیبخانە
یا بینای بێ چەم، بوڵەند بێ عەیب
یا يا هوعربی یاران، پاک تینەت تەیب
یا لوتف لەتیف، لولاك لاريبعربی
یا عالم الغيبعربی، ئەلف و ئەحەد ئیسم
یا ئیسم جەلیل، گیانستان جسم
سەمیع و بەسیر، سەمیعەی بێ گووش
ڕووزیدەهەندەی، مووران کەم تووژ
ڕەزاق و مەرزووق، غەیبزان عەیبپووش
سانع ورد هم، سوورەی ئیخلاسین
ژە سوورەی سی جوز، جیا کەر یاسین
یەعنی بێ ڕەحلەت، کونەندەی عاسین
کەعبەی حاجیان، قیبڵەی حاجاتین
خاڵق ئەرازی، هم سەمەواتین
لاشريك له، لم يزل ذاتينعربی
مەنزڵ قورئان، قازیی حاجات
سوورە و بورهان، فەخر و موباهات
گشت هانە ئەوراد، سوورەی ئیزاجات
یا سونع مەسنووع، سانع مەسنووعات
سازەندەی شێوە، شناسەندەی زات
هەم وەحی سازن، پەی ساجدین لات
ئاو و باد و نار، غەبرا سرشت دەر
هەفتاد و دو دین، ژەی پەروەرشت دەر
هەریەک وە نەحوێ، ئاو و خورشت دەر
ڕوبع مورەبەع، مەسکوون سوکوون دەر
هەم لەنگەر وە کوێ، جەهد جەیحوون دەر
هەم نە عومقیم، ڕووژی وە نوون دەر
وە کەتم عەدەم، وەجهەی ڕەوای ڕوو
ئەحمەد بێ واقف، پەی معراج توو
یەد تەناول، ژە توو بی یا ئوو
سڕ مەکتووبات، هیچکەس نەزانا
جوز جسمێ کە، سەرەنجام زانا
ئەو سڕە تا سەور ئیسرافیل وانا
ژە توراب پاک، باب ئادەم سازان
ناز ناز نعمەت لە غەیم نەوازان
تا باز عیزراییل گرد لێش ورێزان
نجات دای وە نەسر، نووح نە کشتیی یەمم
کەم کەم تەڵاتوم تووفان کەردی کەم
شای زەورەقنشین فارغ بی ژە خەم
مووسای عومرانت بێ پەردە وانا
یەمم تژنە تەورت وە تەور نمانا
تا توور سینا ساف ژەهەم شانا
ئیعجاز نەفس تو دای وە عیسا
مردەی سەد ساڵە ژە لەحم پووسا
ئیحیا کەرد عومرش ژە نوو نویسا
حوکم حەدادی تو دای وە داوود
بێ دەم و دەسگا بێ ناز و بێ دوود
بێ گاز و مەقاش سازا کڵاوخوود
یاڕەب سلێمان تو ئیجادت کەرد
فارس سەریر بان بادت کەرد
چەنێ ژە حەکمەت نگین شادت کەرد
شەوێ ئازەرت ژە سەنەم تاشی
فەرمان دای ئەخی تەوەرەی تێدا پاشی
ژەو تەوەر ئیبراهیم کەردی نەقاشی
ژە کار قوربان زەبیت ئازاد کەرد
شاد شاد کەلیمەی شەهادەت یاد کەرد
یا هاجەر ژە هجر، ئەجرەت دڵشاد کەرد
بازەندەی بازار، بازیان شێوەن
بەزاز بازار، بەندەی فریوەن
شەوق و زەوق و زەهک، ئەو لەوحە دیوەن
کوفران کوفە، كن فيكونعربی کەر
منارەی غروور، لەعین نگوون کەر
دیو ژە ئایەی دەنگ، قورئان زەبوون کەر
یا حەمید وە زکر، سەیید سەروەر
وە زات زوورمشت، شای فەقیر پەروەر
تاج لەعەمروک، لەمحەی نوور وە سەر
یا فەتاح و فەیز، فاتمەی زەهرا
فەیز ئەنعامات، وە هەرکەس وارا
بی وە فەیزبەخش، دیتاچی دارا
وە ئەعزاز ئیسم، ئیمام سانی
وە حصن حصينعربی، ڕشتەی ڕەبانی
وە عەهد ئیقرار، دووسان گیانی
وە زکر زوان، شای زینوعباد
مەسمووم زکی زاهد زەهاد
تەن دا وە قەزا بێ جەنگ و جەهاد
وە گفتار توو ئیمام پەنجم
نویرش وە نەزر مەوزوون مونسەجم
ژە نویر ئەوان ڕووشنای ئەنجوم
وە جا و جەلال جەعفەر سادق
وە سادقوقەوڵ سادقەی سابق
دین ئەو ئایین سابق کەرد بارق
وە میر مەعسووم، وە مووسای کازم
شەفاعەت ژە شای خوەراسان خوازم
بی وە زامندار ئاهوی سەر لازم
وە ناز نماز محەممەد تەقی
وە علم ئەوراد عەلیی نەقی
تەعویزەن بی شەڕ شەیتان شەقی
وە شادیی عەسگەر یا حەق وە شادی
وەختێ جبرەییل مەدێ مونادی
شادم من ژە شەوق مەهدیی هادی
وە ئال عەبا پەنج موفەخر دین
وە چواردە مەعسووم مێخ مەهد زەڕین
وە چل ناواڵق جا نە کوێی گەڕین
وە سەمیع بەسر کەمەر بەستەگان
وە ناز خزمەت ئەژ گل دەستەگان
وە جەرگ چاکچاک دەروین خەستەگان
وە عشق عوشاق شوهەدای شەهیدان
وە نیک ئەختەران شەهید نە مەیدان
دەرارم ژە بەحر ئاڵوودەی عوسیان
یاڕەب وە حورمەت پەیخەمبەرانت
وە تاهری تەبع تەبیب گرانت
# وە دەستەی دەستار تاج وە سەرانت