îla ya małk lamekan ya ne
lamekan ya ne
From the Book:
Şî’rekanî Turkemîr
By:
Turk Amir (1750-1820)
4 minutes
1257 views
îla ya małk lamekan yane
#
ya yane nayab yektay yegane
gyanbexiş û gyansen jew ẍeybixane
ya bînay bê çem, bułend bê ’eyb
ya ya huArabic yaran, pak tînet teyb
ya lutif letîf, lulak larîbArabic
ya ’alim alẍîbArabic, elf û eḧed îsim
ya îsim celîl, gyanistan cisim
semî’ û besîr, semî’ey bê gûş
řûzîdehendey, mûran kem tûj
řezaq û merzûq, ẍeybizan ’eybipûş
san’ wird him, sûrey îxlasîn
je sûrey sî cuz, cya ker yasîn
ye’nî bê řeḧlet, kunendey ’asîn
ke’bey ḧacyan, qîbłey ḧacatîn
xałq erazî, him semewatîn
laşrîk lih, lim yizil zatînArabic
menził qur’an, qazîy ḧacat
sûre û burhan, fexir û mubahat
gişt hane ewrad, sûrey îzacat
ya sun’ mesnû’, san’ mesnû’at
sazendey şêwe, şinasendey zat
hem weḧî sazin, pey sacdîn lat
aw û bad û nar, ẍebra sirişt der
heftad û du dîn, jey perwerişt der
heryek we neḧwê, aw û xurişt der
řubi’ murebe’, meskûn sukûn der
hem lenger we kwê, cehd ceyḧûn der
hem ne ’umqîm, řûjî we nûn der
we ketim ’edem, wechey řeway řû
eḧmed bê waqif, pey mi’rac tû
yed tenawil, je tû bî ya û
siř mektûbat, hîçkes nezana
cuz cismê ke, serencam zana
ew siře ta sewr îsrafîl wana
je turab pak, bab adem sazan
naz naz ni’met le ẍeym newazan
ta baz ’îzrayîl gird lêş wirêzan
nicat day we nesir, nûḧ ne kiştîy yemim
kem kem tełatum tûfan kerdî kem
şay zewreqnişîn farẍ bî je xem
mûsay ’umranit bê perde wana
yemim tijne tewrit we tewr nimana
ta tûr sîna saf jehem şana
î’caz nefis tu day we ’îsa
mirdey sed sałe je leḧim pûsa
îḧya kerd ’umirş je nû nwîsa
ḧukim ḧedadî tu day we dawud
bê dem û desga bê naz û bê dûd
bê gaz û meqaş saza kiławxûd
yařeb silêman tu îcadit kerd
fars serîr ban badit kerd
çenê je ḧekmet nigîn şadit kerd
şewê azerit je senem taşî
ferman day exî tewerey têda paşî
jew tewer îbrahîm kerdî neqaşî
je kar qurban zebît azad kerd
şad şad kelîmey şehadet yad kerd
ya hacer je hicir, ecret diłşad kerd
bazendey bazar, bazyan şêwen
bezaz bazar, bendey firîwen
şewq û zewq û zehk, ew lewḧe dîwen
kufran kufe, kin fîkunArabic ker
minarey ẍirûr, le’în nigûn ker
dîw je ayey deng, qur’an zebûn ker
ya ḧemîd we zikir, seyîd serwer
we zat zûrimişt, şay feqîr perwer
tac le’emruk, lemḧey nûr we ser
ya fetaḧ û feyz, fatmey zehra
feyz en’amat, we herkes wara
bî we feyzbexiş, dîtaçî dara
we e’zaz îsim, îmam sanî
we ḧisin ḧisînArabic, řiştey řebanî
we ’ehd îqrar, dûsan gyanî
we zikir zwan, şay zînu’bad
mesmûm zikî zahd zehad
ten da we qeza bê ceng û cehad
we giftar tû îmam pencim
nwîrş we nezir mewzûn munsecim
je nwîr ewan řûşnay encum
we ca û celal ce’fer sadiq
we sadquqewł sadqey sabiq
dîn ew ayîn sabiq kerd barq
we mîr me’sûm, we mûsay kazim
şefa’et je şay xwerasan xwazim
bî we zamnidar ahwî ser lazim
we naz nimaz miḧemmed teqî
we ’ilim ewrad ’elîy neqî
te’wîzen bî şeř şeytan şeqî
we şadîy ’esger ya ḧeq we şadî
wextê cibreyîl medê munadî
şadim min je şewq mehdîy hadî
we al ’eba penc mufexir dîn
we çwarde me’sûm mêx mehd zeřîn
we çil nawałq ca ne kwêy geřîn
we semî’ besir kemer bestegan
we naz xizmet ej gil destegan
we cerg çakçak derwîn xestegan
we ’işq ’uşaq şuheday şehîdan
we nîk exteran şehîd ne meydan
derarim je beḧir ałûdey ’usyan
yařeb we ḧurmet peyxemberanit
we tahrî tebi’ tebîb giranit
#
we destey destar tac we seranit