٤
ئستدعایێ شەفاعەت و ئستشفاعێ مەغفرەت ژ جەنابێ ساحبێ سەریرێ شەفاعەت د سوورەتێ معراجێ دا ب بال حەزرەتێ عززەت
از کتاب:
مەم و زین
اثر:
احمد خانی (1650-1707)
2 دقیقه
1443 مشاهده
ئەی واستەیێ و وجوودێ کەونەین
شایستەئێ قوربێ قابە قەوسەین
شاهنشەهێ تەختەگەهـ مەدینە
موعجز ژ تە ئەو قەدەر مە دینە
سەیرا فەلەکان ل نک تە گاڤەک
فەخرا مەلەکان ژ تە سلاڤەک
شق القمراعربی تە یەک ئشارەت
زاغ البصراعربی تە یەک عبارەت
ئەی پادشەهێ سەریرێ لولاكعربی
ڕابە هەر ئاسمانی چالاک
حازر ژ تە ڕا بوراق و رەفرەف
شاتر ب تە ڕا فرشتە ڕەف ڕەف
دا رەفع ببن ژ بەر تە پەردە
بێ پەردە د گەل خودێ خەبەر دە
بێژێ: تو قەدیر و ذو الجلالعربیی
بێژێ: تو قەدیم و لا يزالعربیی
ئەم فانی و ژار و موشت خاکین
هادی نە تو بی خوە ئەم هلاکین
ئەووەل تە ژ بۆ چ دا مە تەعزیم
دانی ل سەرێ مە تاجێ تەکریم
تەشریفێ خلافەتێ تە دا مە
گاڤا تە ئەمانەتێ خوە دا مە
مەعلوومی تە بوو کو ئەم نەزانین
قەدرێ وی ئەمانەتی نزانین
هەرچی تە ژ بۆ مە کر ئرادە
یەک زەررە مە لێ نەکر زیادە
حاشا ژ کەمالێ رەئفەتا تە
دوورە ژ جەلال و رەحمەتا تە
کوفر و گونەهان بکەی بەهانە
لائق تە بتن ئەڤە شەهانە
یەک ڕوونە ل نک تە کوفر و ئیمان
یەک سوونە ل نک تە خولد و نیران
قەهرا خوە بکی ئەگەر تو زاهر
جەننەت ل مە دێ ببیتە ئاگر
وەر فەیزێ بکەت سەحابێ رەحمەت
دۆزەخ ل مە دێ ببیتە جەننەت
گەر کافر و گەر گوناهکارین
بالجملهعربی ژ تە ئومێدەوارین
کەس نینە ژ کافر و عوساتان
موزهر نەبتن ژ بۆ سفاتان
کافر بووین ئەم ب ئسمێ قەههار
غەففارە کو ئەم کرین گونەهکار
کوفرێ تو مەگەر نەشێی ببەخشی
گەر دێ گونەهان ب مە بنەخشی
دێ شاد ببن ب مە شەیاتین
مەسروور ببن گەلەک مەلاعین
قەت غیرەتە ئەی پەناهێ عالەم
قەت لائقە ئەی شەبانێ ئادەم
ئەڤ گورگێ لەعین بەد سەرەنجام
ژێکڕا بکەتن مە شوبهی ئەغنام
القصهعربی بکی تو دێوی سەرکەش
تەنها و تەنێ بچیتە ئاتەش
في الجملهعربی مە جوملە خاس و عامان
عاسی و شەقی و ناتەمامان
تێکدا ب شەفاعەتا خوە خاس کە
ڤێکڕا مە ژ ئاگری خەلاس کە