٤
ئستدعایێ شەفاعەت و ئستشفاعێ مەغفرەت ژ جەنابێ ساحبێ سەریرێ شەفاعەت د سوورەتێ معراجێ دا ب بال حەزرەتێ عززەت
لە کتێبی:
مەم و زین
بەرهەمی:
ئەحمەدی خانی (1650-1707)
2 خولەک
1446 بینین
ئەی واستەیێ و وجوودێ کەونەین
شایستەئێ قوربێ قابە قەوسەین
شاهنشەهێ تەختەگەهـ مەدینە
موعجز ژ تە ئەو قەدەر مە دینە
سەیرا فەلەکان ل نک تە گاڤەک
فەخرا مەلەکان ژ تە سلاڤەک
شق القمراعەرەبی تە یەک ئشارەت
زاغ البصراعەرەبی تە یەک عبارەت
ئەی پادشەهێ سەریرێ لولاكعەرەبی
ڕابە هەر ئاسمانی چالاک
حازر ژ تە ڕا بوراق و رەفرەف
شاتر ب تە ڕا فرشتە ڕەف ڕەف
دا رەفع ببن ژ بەر تە پەردە
بێ پەردە د گەل خودێ خەبەر دە
بێژێ: تو قەدیر و ذو الجلالعەرەبیی
بێژێ: تو قەدیم و لا يزالعەرەبیی
ئەم فانی و ژار و موشت خاکین
هادی نە تو بی خوە ئەم هلاکین
ئەووەل تە ژ بۆ چ دا مە تەعزیم
دانی ل سەرێ مە تاجێ تەکریم
تەشریفێ خلافەتێ تە دا مە
گاڤا تە ئەمانەتێ خوە دا مە
مەعلوومی تە بوو کو ئەم نەزانین
قەدرێ وی ئەمانەتی نزانین
هەرچی تە ژ بۆ مە کر ئرادە
یەک زەررە مە لێ نەکر زیادە
حاشا ژ کەمالێ رەئفەتا تە
دوورە ژ جەلال و رەحمەتا تە
کوفر و گونەهان بکەی بەهانە
لائق تە بتن ئەڤە شەهانە
یەک ڕوونە ل نک تە کوفر و ئیمان
یەک سوونە ل نک تە خولد و نیران
قەهرا خوە بکی ئەگەر تو زاهر
جەننەت ل مە دێ ببیتە ئاگر
وەر فەیزێ بکەت سەحابێ رەحمەت
دۆزەخ ل مە دێ ببیتە جەننەت
گەر کافر و گەر گوناهکارین
بالجملهعەرەبی ژ تە ئومێدەوارین
کەس نینە ژ کافر و عوساتان
موزهر نەبتن ژ بۆ سفاتان
کافر بووین ئەم ب ئسمێ قەههار
غەففارە کو ئەم کرین گونەهکار
کوفرێ تو مەگەر نەشێی ببەخشی
گەر دێ گونەهان ب مە بنەخشی
دێ شاد ببن ب مە شەیاتین
مەسروور ببن گەلەک مەلاعین
قەت غیرەتە ئەی پەناهێ عالەم
قەت لائقە ئەی شەبانێ ئادەم
ئەڤ گورگێ لەعین بەد سەرەنجام
ژێکڕا بکەتن مە شوبهی ئەغنام
القصهعەرەبی بکی تو دێوی سەرکەش
تەنها و تەنێ بچیتە ئاتەش
في الجملهعەرەبی مە جوملە خاس و عامان
عاسی و شەقی و ناتەمامان
تێکدا ب شەفاعەتا خوە خاس کە
ڤێکڕا مە ژ ئاگری خەلاس کە