لە سایەی دەوری چەرخی سوفلە پەروەر لەک بە لەک دەدوێ
از کتاب:
دیوانی مەحوی
اثر:
محوی (1836-1906)
1 دقیقه
1527 مشاهده
لە سایەی دەوری چەرخی سوفلە پەروەر لەک بە لەک دەدوێ
سەگی ئاواتەخوازی ئێسکی وشتر لە شەک دەدوێ
دەبینم شێری شێر ئەفگەن دەڵەک کەوڵی دەکا، دەبیەم
بە کۆڵێ کلکەوە ڕێوی لەگەڵ کەوڵی دەڵەک دەدوێ
دەبینێ بایەزیدە، وەک یەزیدێکی دەبینن خەڵق
بە بێ پەردە شەیاتینی لە ئەحواڵی مەلەک دەدوێ
نە ناوی ڕۆژ و مەهـ بردن، نە باسی سەدر و شەهـ کردن
مووەححید هەر دەبێ هەر یەک بناسێ، هەر لە یەک دەدوێ
مونەججیم عومری زایع بوو لە بەحس و فیکری ئەفلاکا
کە پیرێژن هەمیشە هەر لە ئەحواڵی خەڕەک دەدوێ
بە تاقە فەخری کیسرا، هەر خەوەڕنەق فەخری نوعمانە
دەنی هیممەت وەهایە هەر لەگەڵ کوچک و کەڵەک دەدوێ
زەمانەی سوفلە پەروەر وا ڕەواجی سوفلەیی داوە
کە دایم ئەو دەمە سوێرە لەگەڵ نان و نمەک دەدوێ
پەکی تێدا ڕەقیب ئەو شۆخە کوشتنمی کە لێ پرسی
ئیرادەی کاری خێر ئەڵبەتتە شەیتانی لە فەک دەدوێ
موومەییز چەرخی کەچڕەو بێ، نەکەی مەحویتخلص کەماڵت خەرج
زوبانی تێغی ئەو دەرحەق بە حەرفی من لە حەک دەدوێ