نەسەر سەتحی بەرز کەپری خەم عەموود
از کتاب:
دیوانی جەفایی
اثر:
جفایی (1835-1890)
1 دقیقه
569 مشاهده
نەسەر سەتحی بەرز کەپری خەم عەموود
بیساتم حەسرەت پەی وەسڵی مەقسوود
سەر نە سەر بالین عەجز و مەلالەت
تەن نە تۆی لیباس ڕەنج و کەسالەت
پەتیەی سیا ڕەنگ تان و پۆ خەفەت
کێشام بەسەردا لۆنگ قەیس سیفەت
دیدەم شی نەخاو چەنی دیدەی بەخت
خاوێ نموونەی مەوتم بی نەو وەخت
بەختم جە ناکا هۆردا باڵ چەم
تمەز دیاردا سەر دەلیل ڕەم
پەی بێداری دڵ من نەخاو خەم
ئاما غەزاڵەی پڕ وەفاو کەرەم
پەنجەی مۆبەت دا نە بەتیەی خەفەت
لادا بێدار کەرد دڵەی خەم سیفەت
گۆشی دڵ شنەفت سەدایی يا صُب!عربی
قم فاغتَنم جاء اليك الحُبعربی
قمت نظرتُ رٲيتُ حوراًعربی
افادت قلبي روحاً سروراًعربی
بەڵام ئاخ ڕەقیب نمازا تەمام!
بنۆشم بادەی وەسڵی جەبین جام