نەسەر سەتحی بەرز کەپری خەم عەموود
لە کتێبی:
دیوانی جەفایی
بەرهەمی:
جەفایی (1835-1890)
1 خولەک
408 بینین
نەسەر سەتحی بەرز کەپری خەم عەموود
بیساتم حەسرەت پەی وەسڵی مەقسوود
سەر نە سەر بالین عەجز و مەلالەت
تەن نە تۆی لیباس ڕەنج و کەسالەت
پەتیەی سیا ڕەنگ تان و پۆ خەفەت
کێشام بەسەردا لۆنگ قەیس سیفەت
دیدەم شی نەخاو چەنی دیدەی بەخت
خاوێ نموونەی مەوتم بی نەو وەخت
بەختم جە ناکا هۆردا باڵ چەم
تمەز دیاردا سەر دەلیل ڕەم
پەی بێداری دڵ من نەخاو خەم
ئاما غەزاڵەی پڕ وەفاو کەرەم
پەنجەی مۆبەت دا نە بەتیەی خەفەت
لادا بێدار کەرد دڵەی خەم سیفەت
گۆشی دڵ شنەفت سەدایی يا صُب!عەرەبی
قم فاغتَنم جاء اليك الحُبعەرەبی
قمت نظرتُ رٲيتُ حوراًعەرەبی
افادت قلبي روحاً سروراًعەرەبی
بەڵام ئاخ ڕەقیب نمازا تەمام!
بنۆشم بادەی وەسڵی جەبین جام