حقاً لە ڕەقیب ئەو بەر و دەرگانە حەرامە
از کتاب:
دیوانی مەحوی
اثر:
محوی (1836-1906)
1 دقیقه
2152 مشاهده
حقاًعربی لە ڕەقیب ئەو بەر و دەرگانە حەرامە
لەو دێوە، کە ئەم تەختی سولەیمانە حەرامە
قیلعربیێکی زەعیف: ئاهی حەزین ئیزنە لە عیشقا
گریانی بە کوڵ، ناڵەیی مەستانە حەرامە
سووتانی بە بێ دەنگییە ئادابی مەحەببەت
وەک بولبول ئەم ئەفغانە بە پەروانە حەرامە
وا دەربەدەرە دڵ، وەتەنی سینەمی ون کرد
لەو شێرە خوێڕی بووە ئەم لانە حەرامە
دەیوت کە بەڕەهمەن مەهی ڕۆی ئەم سەنەمەم دی
گەر بت ئەمە بێ، خزمەتی بتخانە حەرامە
من پادشەهی عیشقم و هەر داغی جنوونم
تاجی سەرە، باقی کە لە دێوانە حەرامە
هەر کۆکەن و مەجنوونە کوڕی کێو و بیابان
غەیری کون و قوژبن کە لە فەرزانە حەرامە
بێ داغی نەدامەت دڵ و بێ دەردی ئەسەف جان
لەم کالیبەدە دڵ، لە دڵ ئەو جانە حەرامە
خوێناوی جگەر، گۆشەیی بیت الحزنعربیێ بوو
مەحویتخلص! بەسە، مەیلی مەی و مەیخانە حەرامە