لە باسی زلفتا جانا قسوورم بوو بە موو فەرموو
از کتاب:
دیوانی حەمدی
اثر:
حمدی (1876-1936)
1 دقیقه
472 مشاهده
لە باسی زلفتا جانا قسوورم بوو بە موو فەرموو
ڕەزام هەڵماوەسی ئەمما نە ئاڵۆزی بەشەرتێ موو
لە داغی زیوی پڕ غەش بۆتە بەردی ڕەش محەک یاڕەب
بەچی بم من لە داغی کردەوەی هەمسایەیی بەدخوو
قەباڵەی فەڕ و ئیقبالم بداتێ نامەوێ چونکە
ژنێکی هەرزەیە دنیا کە حاشا هەر دەکا بۆ شوو
هەموو کەس هەر ئەگاتە شەشدەری نەردێنی ئەم دەهرە
بە دوو شەش بێ، بە دوو سێ بێ، چ ئەمڕۆ بێ، چ فەردا زوو
نیقابی شەوقی یەکڕوویانی دنیایە سیەهـ بەختی
چ باکی شەو بوو کە ڕۆژی جیهان ئارا ئەبوو دوو ڕوو
لە هەمڕازی ڕەقیب ئەم شۆخە حەیرانم کە سڵ نەکا
مەگەر ئیعجازی عیشقە سەگ دەکاتە نۆبەچی ئاهوو
لە هاتووچۆیی دنیا حەمدیتخلص ئیستیغنا بکا حەقیە
نەچوو کەس بێتەوە ئەمما ئەوانەی هاتووە هەر چوو