le basî zilifta cana qisûrim bû be mû fermû
From the Book:
Dîwanî Ḧemdî
By:
Hamdi (1876-1936)
1 minutes
473 views
le basî zilifta cana qisûrim bû be mû fermû
řezam hełmawesî emma ne ałozî beşertê mû
le daẍî zîwî piř ẍeş bote berdî řeş miḧek yařeb
beçî bim min le daẍî kirdewey hemsayeyî bedxû
qebałey feř û îqbalim bidatê namewê çunke
jinêkî herzeye dinya ke ḧaşa her deka bo şû
hemû kes her egate şeşderî nerdênî em dehre
be dû şeş bê, be dû sê bê, çi emřo bê, çi ferda zû
nîqabî şewqî yekřûyanî dinyaye syeh bextî
çi bakî şew bû ke řojî cîhan ara ebû dû řû
le hemřazî řeqîb em şoxe ḧeyranim ke sił neka
meger î’cazî ’îşqe seg dekate nobeçî ahû
le hatûçoyî dinya ḧemdîPen name îstîẍna bika ḧeqye
neçû kes bêtewe emma ewaney hatuwe her çû