لێم گەڕێ واعیز ئیتر سووڕەت پەرستی کارمە
از کتاب:
دیوانی حەمدی
اثر:
حمدی (1876-1936)
1 دقیقه
465 مشاهده
لێم گەڕێ واعیز ئیتر سووڕەت پەرستی کارمە
ئەم جەلالە سەیری عەکسی دڵفریبی یارمە
خوێنی جەرگم گەر لەدەست و پێ گری هەروەک خەنە
جا دەڵێم خۆزگەم بە خۆم خوێنم لەسەر خونکارمە
زەڕڕەبینم بۆچییە گەر زەڕڕە نووری بێ بەسەر
جیلوە بەخشی دیدە عەکسی شەوقی مەهڕوخسارمە
چەرخە توخوا با بزانم چۆنە ڕەسمی بت پەرست
ڕووبەڕووی سووڕەت لە خاکە کەوتنم ڕەفتارمە
شێوەکەی بێ دەنگ ئەدا ئەم عەکسە تەسکینی بە دڵ
بێ بەشە دەمدەم بە دەم حەقمە کە هەر هاوارمە
لەب بەخەندە سوڕەتی جانانە حەمدیتخلص سەیر ئەکا
بۆ نیساری بۆیە شیرین وەک شەکەر گوفتارمە