لێم گەڕێ واعیز ئیتر سووڕەت پەرستی کارمە
لە کتێبی:
دیوانی حەمدی
بەرهەمی:
حەمدی (1876-1936)
1 خولەک
308 بینین
لێم گەڕێ واعیز ئیتر سووڕەت پەرستی کارمە
ئەم جەلالە سەیری عەکسی دڵفریبی یارمە
خوێنی جەرگم گەر لەدەست و پێ گری هەروەک خەنە
جا دەڵێم خۆزگەم بە خۆم خوێنم لەسەر خونکارمە
زەڕڕەبینم بۆچییە گەر زەڕڕە نووری بێ بەسەر
جیلوە بەخشی دیدە عەکسی شەوقی مەهڕوخسارمە
چەرخە توخوا با بزانم چۆنە ڕەسمی بت پەرست
ڕووبەڕووی سووڕەت لە خاکە کەوتنم ڕەفتارمە
شێوەکەی بێ دەنگ ئەدا ئەم عەکسە تەسکینی بە دڵ
بێ بەشە دەمدەم بە دەم حەقمە کە هەر هاوارمە
لەب بەخەندە سوڕەتی جانانە حەمدیناسناوی ئەدەبی سەیر ئەکا
بۆ نیساری بۆیە شیرین وەک شەکەر گوفتارمە